منتديات¢•°نور العيون°•¢:
أهلا وسهلا بكم في منتديات نور العيون نتمنى لكم قضاء اسعد الاوقات مع تحيات:::ادارة المنتدى:::


بأدرة ¢•°مصــــــــــطــــــــفى الانــــــــــــــباري°•¢:
 
الرئيسيةمكتبة الصورس .و .جبحـثالمجموعاتالتسجيلدخول

شاطر | 
 

  شعر عراقي جميل بعنوان بيتنه من طين ؟؟

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
مصطفى الانباري



عدد المساهمات : 420
نقاط : 1257
تاريخ التسجيل : 12/08/2011

مُساهمةموضوع: شعر عراقي جميل بعنوان بيتنه من طين ؟؟   الأحد أغسطس 14, 2011 10:07 pm

بيتنَا
من طينْ الشرف مَبْني
ونحلم بالسعادة ابيت طابوگْ

جوعي مَضْغتي
والخبز جوعان
ونشبع بالمحبة العدنَا
واتلوگْ

لاويتْ الزمن والعازَة عازة
وعالية روسنا
مثل حلوات العثوگْ

بيضَا چفوفنا والجوع عضنا
ولانرضىَ النهب
والوطن مبيوگْ
***
من زغري
الحزن ويانَا رابي
ومن كثرالحزن
اهدومي بَسْ سود

يَشيال التعب
وينك ياصديقي..!
انَا اببابك حزينة
وينْ العهود..؟

ليوين الغياب ..؟
وانت عندي
فياييك دنيتي
وثيابك ورود

اگعد يا حبيبي ..!
وشوفني عود..!
تعال ارچي على حالي..!
وانتَ لي زود .
***
يا مراية حلم
بچفوفي مرسوم
ابني المالبس فد يوم ..
جديد

وَنَّسْ دنيتي وشاركني الهموم
والله ابني على خوتَه..
ايطشرْ العيد

لاويت الزمن ..
بحلوات الأحلام
لحد كسر الظهر
ولا ننحني لأيد

يابني .. ياحبيبي
الدنيا للظيم
وماشاف الفرح
همْ ينتظر عيد ..؟

***
أنا المحتاجَه كِلْشي
حتَى الجنون
ويلي يَالولد
عْيوني داره

دِللول الفخاتي
تِرسَنْ البيتْ
وانتَ وحشتي
اغنية سهاره

بسمك ياوطن
الولد مذبوح
وين اللي يْتِنومَسْ
وياخذْلي ثاره

داير الحجي
بَسْ بالشعاراتْ
وبينَه الموتْ ياكلْ
ويِوِجْ ناره

***
كثرة ذنوبهَا
هَالدنيا ويايْ
يحاصرني الظلم
واشتّد عنيده

تاريخ القصيدة
متيه البيت
وحلو وزن الشعر
من دم وريده

عنوان الوطن
مكتوب بدموع
ولا اريد النعي
بورقة جريدة

مكسورة الخواطر
وعثرة ممشاي
واشوف الگمرة
تتوضأ على ايده
***

مخدتنا تبن
بس عزة بالروح
وكرامتنا جبل
والوطن جنة

يگلي ابني..
الوطن يايمه مذبوح
وبيوت الفقيرة دوم حزنه

وطنه الخير
وخيره يشبع الغير
وبس احنه نظل بحساب مزنه

هواية تنبني وتتهدم عروش
بس احنه بقينا بثوب عزنه lol! lol!
الرجوع الى أعلى الصفحة اذهب الى الأسفل
http://nooor6.mam9.com
 
شعر عراقي جميل بعنوان بيتنه من طين ؟؟
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات¢•°نور العيون°•¢:  :: االصفحه الرئــــــيــــــســـــــيه :: &الاشعار&-
انتقل الى: